Анвар Ҳафизов: Деян Журжевичга бир қатор ёшларни тавсия қилдим
Ads

Ўзбекистон Лига Кубогининг 3-туридан ўрин олган «D» гуруҳидаги «Андижон» ҳамда «Навбаҳор» жамоалари ўртасидаги учрашувда мезбонлар 3:0 ҳисобида ғалаба қозондилар ва ушбу баҳсда наманганликлар ёшлар жамоаси билан иштирок этишди. Ўйиндан кейинги матбуот анжуманида дастлаб «Навбаҳор» ёшлар жамоаси мураббийи Анвар Ҳафизов иштирок этди.

- Бугун «Андижон»га қарши ўринбосарлар жамоамиз ўйнади ва бу ўйин футболчиларимизга катта тажриба бўлди. Ушбу баҳсда майдонга тушган йигитларимиз 2000 ва 2001 йилларда туғилишган. Улар бу учрашувда ўзларини йўқотиб қўйишмаганидан хурсанд бўлдик. Афсуски, ўз дарвозамиздан кераксиз голни ўтказиб юбордик ва бу бизга катта таъсир ўтказди. Йигитларимиз мен берган кўрсатмаларни 80 фоизга бажаришди деб ўйлайман. Умуман олганда, ёмон эмас. Барибир бугун тажриба ўз сўзини айтди.

- «Андижон»га қарши «Навбаҳор»нинг ёшлар жамоаси иштирок этиши олдиндан режалаштирилганмиди ёки ҳаммаси кутилмаганда ўзгариб кетдими?

- Бунга қадар Лига Кубогида «Машъал» билан ўйнаганимиздан сўнг эртаси куни раҳбарият бизга тайёргарлик кўринглар, «Андижон»га қарши ўйнайсизлар деб айтишди. Ушбу беллашувгача тўрт кунча вақтимиз бор эди.

- Ушбу ўйинни «Навбаҳор» бош мураббийи Деян Журжевич ҳам кузатиб борди…

- Ҳа, Журжевич ўйинни кўрди. Ўйиндан олдин ҳам бош мураббий билан гаплашгандим. Асосий эътиборини ёшларга қаратишини ва жамоани бу баҳсга тайёрлашимни тайинлаганди. Шу боис атайин ўзи бир қатор ёшларни кузатиш учун бу ўйинга келди. Мен Журжевичга 4-5 нафар иқтидорли ўйинчиларимиз бор ва улар бемалол асосий таркибга торта олади, уларни кўринг деб айтгандим. Мана, ҳозир учрашувдан кейин ҳам бош мураббий билан гаплашдим. Ёшларимиз ҳақидаги фикрлари яхши.

- Бош мураббийга айнан кимларни тавсия қилгандингиз?

- Аюбхон Жўраев, Комилжон Тожиддинов, Шерзод Ғуломжонов, Миржалол Абдумуталов, буларнинг ҳаммаси терма жамоага номзод футболчилар ҳисобланишади.

- Бу ўйинда ўринбосарлар жамоаси иштирок этганини инобатга олсак, демак, «Навбаҳор»да Лига Кубогига эътибор юқори эмасмиди?

- Йўқ, ундай эмас. Кўрган бўлсангиз, биринчи даврада асосан 13-14 нафар футболчиларнинг зиммасига асосий юк тушди. Шу сабабли Журжевич уларга дам беришни маъқул кўрди. Лекин бизни ҳам натижа учун ўйнашимизни тайинлашганди. Биз шунчаки ўйнаб кетиш учун келмагандик.

Фикрлар

Фикр қолдириш учун авторизациядан ўтинг!
&
S.M.I.D
08/07/2019 09:05
Хамма соққа қилиш билан овора, мухлислар учун ўйнайдиган Футбол қолмади.
Абдусамат Жураев
08/07/2019 08:59
СУТАКЛАР ЛОАКАЛ БИТТА УРМАДИЛАРИНГМИ АНА ЛОКО ПАХТА АСОСИЙ ТАРКИБИГА БИТТА СОЛДИ ШОТА ДУХНИ БЕРАЙДИДИ УЗИКУ ДУХНИ БЕРГАНИДАН АСОСИЙНИ ТУШИРИБТИ
&
Boburiy
08/07/2019 08:37
Супер лига колхоз биринчилиги
&
Boburiy
08/07/2019 08:33
Лига Кубоги хаммом биринчилиги
&
Boburiy
08/07/2019 08:34
Супер лига колхоз биринчили
&
S.M.I.D
08/07/2019 01:14
80%=0:3 100% Бажаришганда 0:5 бўларканда а Анварржон
&
Махаммад махмудов
08/07/2019 08:29
Катта галабалар кичик клубларга учралган маглубиятлардан бошланади, навбахор ни келажаги порлок