АПЛ - энг яхши лига, Бундеслига ўнинчи ўринда. IFFHS 2019-йил рейтингини эълон қилди

Халқаро футбол тарихи ва статистика федерацияси (IFFHS) 2019-йил учун миллий биринчиликларнинг рейтингини эълон қилди.

Рўйҳатда 2009-йилдан буён биринчи маротаба Англия Премьер лигаси биринчи ўринда қайд этилди. Иккинчи ўринни эса Бразилия чемпионати эгаллаган бўлса, кучли учликни Испания Ла Лигаси якунлаб берди.

Эътиборли жиҳати Европанинг кучли бешлигига кирувчи Германия Бундеслигаси 10-ўринга лойиқ кўрилган.

IFFHS ушбу рўйҳатни тузиб чиқишда қайси натижаларни инобатга олгани хабар қилинмаган.

Топ-10 таликнинг тўлиқ рейтинги билан танишинг:

1. Англия – 1287

2. Бразилия – 1165

3. Испания – 1141

4. Италия – 939

5. Колумбия – 849

6. Португалия – 834

7. Франция – 818

8. Голландия – 790,5

9. Аргентина – 776

10. Германия – 765,5