АПЛ. 17-турда олинган энг сара суратлар орқали ишланган фотомақола!

Англия премьер лигасининг 17-турида "Ливерпуль" ўз уйида "Уотфорд" клубини қабул қилиб, 2:0 ҳисобида зафар қучди. "Челси" "Борнмут"га қарши баҳслашди ва 0:1 ҳисобида ютқазиб қўйди. "Лестер" ҳам кутилмаганда "Норвич" билан дуранг ўйнади. Шу қаторда, МЮ ва "Эвертон" ўртасидаги баҳс ҳам 1:1 ҳисобида якунланди. Моуриньо қўл остидаги "Тоттенхэм" эса сафарда "Вулверхэмптон" клубини таслим этди. Турнинг марказий беллашувида "Арсенал" "Манчестер Сити"га йирик, 0:3 ҳисобида ютқазиб қўйди. Яна бир қатор қизиқарли учрашувлар бўлиб ўтди. Ушбу турдан олинган суратлар орқали фотомақола тайёрладик.

"Уотфорд" ҳимоячиси вазиятдан қаттиқ афсусда, аммо кеч...

"Барселона" мухлислари Роналдуни, "Реал" мухлислари эса Мессини ҳуш кўришмайди. Аммо "Манчестер Сити", "Челси", "Арсенал", "Тоттенхэм" ва ҳаттоки МЮнинг мухлислари ҳам Салоҳга хавас қилишади.

Айнан Салоҳнинг голлари "Уотфорд"нинг мағлубиятига сабаб бўлди.

Ўтган мавсумни чемпионшипда ўтказган ва ўзаро принципиал рақибга айланиб улгурган "Шеффилд" ва "Астон Вилла" жамоалари ўзаро тўқнаш келишди.

Хоккей ҳақиқий эркаклар ўйини, уруш-жанжалларга ҳам рухсат бор дейишади. ММА, Хоккей, Бокс... Барибир футболнинг шиддати ўзгача эканлигини чинакам мухлисларгина тушунади.

Мавзуга қайтамиз! Шу куни, Флекнинг дубли "Шеффилд Юнайтед"га муҳим ғалабани тақдим этди.

Биласизми!? Финляндиялик Пукки ўтган мавсум чемпионшипда кўплаб голлар урди. Жорий мавсум АПЛда ҳам порламоқда! Ҳаттоки АПЛда ойнинг энг яхши футболчиси деб топилган вақти ҳам бўлди.

Тиниб-тинчимас Варди ўзини ҳам, дарвозабонни ҳам аяб ўтирмаяпти. Дарвоза тўсинини ҳам...

Топ жамоалардан таклифлар бисёр бўлишига қарамай, "Лестер"ни тарк этишни истамаган Вардининг кўзларига эътибор беринг!

Брендан Рожерс Клаудио Раньерининг натижасини қайтариши учун фақатгина "Ливерпуль" ҳалақит қилмоқда!

Ушбу турда "Челси" "Борнмут"ни қабул қилди.

Лондонликлар қанча уринишмасин, дарвозани ишғол эта олишмади.

Учрашувнинг 84-дақиқасида эса, аламли голни ўтказиб юборишди. Ҳа, "Сен урмасанг, сенга уришади."

Лэмпард ҳам чорасиз қолди...

Янги Зеландия терма жамоаси юлдузи Крис Вудни биласизми?

Айнан Вуд томонидан киритилган ягона гол, "Бёрнли"га "Ньюкасл" устидан ғалаба келтирди.

Ҳавотирга ўрин йўқ! Дубравка соппа-соғ.

Аввалига, Пеллегрини ҳавотирда эди.

"Саутгемптон" футболчиси тайёрланиб, мўлжаллаб...

Зарбаааа ва ...

Йўқ! Гол эмас.

"Вест Хэм" футболчиси кулиб: Шундай зарба ҳам берадими?

Якунда, кичик ҳисобдаги ғалаба Пеллегринини қувонтирди.

Очко...

Бундай очкони Сон ҳам ишлай олади.

Моуриньо қайси клубни бошқармасин, доимо ўз характерини жамоага юқтира олади.

Сонни ким қучоқлаб олган? Жавобингизни "комент"да қолдиринг! Тўғри жавобни охирида киритамиз!

АПЛда байрам бошланиб бўлди.

Калверт-Льюин Де Хеанинг елкасига қўлини қўйган вазиятда, ВАР ўйин қоидаси бузилмади, деб топти ва голни инобатга олди.

Вазиятни яқинроқдан кўришингиз мумкин. Майкл Оливер бошчилигидаги ҳакамлар гуруҳи, ВАР орқали кўриб ҳам хато қилиши биринчи маротаба эмас.

Калверт-Льюиннинг ушбу зарбасидан сўнг, тўп Линделёфга тегиб, дарвозага кириб кетди ва автоголга айланди.

Изоҳ ўзингиздан...

Қизиқарли кечган учрашув дуранг билан якунланди.

Турнинг марказий учрашувида де Брюйне "авжи"га чиқди!

Сўнгги вақтларда "Арсенал"ни умуман таниб бўлмай қолди.

Гендузи футбол қўл билан ўйналмаслигини ёдидан чиқариб қўйган шекилли...

Бўртирма қилиб айтганда, шу куни де Брюйне "Арсенал" футболчиларини "эмаклатиб" ташлади.

Беллашув давомида Гвардиола ортиқча қийналиб ўтирмади ва жуда ҳотиржамликка берилди.

Қизиқ, булар бир-бирига тескари туриб олиб, ўзи нима қилишяпти?

"Супер" сурат...

Топ жамоалар орзу қилаётган форвард, АПЛнинг энг кучли ҳужумчиларидан бири Уилфред Заа.

Айнан ушбу юлдузнинг голи "Кристал Пэлас"ни мағлубиятдан қутқариб қолди.