АПЛ. 20-турда олинган энг сара суратлар орқали ишланган фотомақола!

Англия Премьер-лигаси мавсумнинг қоқ ўртасига етиб келди. Иккинчи давранинг бошланиши, 20-тур ўйинлари қизиқарли учрашувлар билан бирга, баъзи сенсациялар билан ҳам ёдда қолди. Пешқадам МЮнинг энг сўнгги поғонадаги "Шеффилд"га мағлуб бўлиши, кучли олтиликни изма-из таъқиб қилиб келаётган "Астон Вилла" бу мавсум ўзига ўхшамаётган "Бёрнли"га енгилди. Шунингдек, марказий учрашувда "Ливерпуль" "Тоттенхэм" майдонидан ишончли ғалаба билан ортга қайтди. Биз ҳам ўз одатимизга мувофиқ, АПЛ 20-турида олинган энг сара суратлар орқали ишланган фотомақолани эътибрингизга ҳавола қиламиз.

Ўрганиб қолганимиздек, ишни дезинфекция қилишдан бошлаймиз.

Қуйи ўнликда бораётган жамоалар учрашуви ҳақиқий курашга айланиб кетди.

Дарвозабоннинг бу тўқнашувдан кейинги ҳолати ҳавас қилгулик эмас.

Иккинчи қаватдаги тўп учун кураш авжида. Кучли ёмғир ўйин ҳароратини пасайтира олмади.

Бу шунчаки футбол ва фотографнинг маҳорати.

Уилфред Заанинг ажойиб соч турмаги.

Эктор Бельерин жуда қулай мослашди. Балки ўйин бироз тўхтаб тургани маъқулдир!

Седрик Соареш амалга оширган иш ҳамманинг ҳам қўлидан келавермайди.

Бельерин ўрнида бу сафар "Фулхэм" аъзоси.

Ареоладан ажойиб сейв.

"Вест Бромвич" футболчилари Рахим Стерлингни қандай тўхтатишни муҳокама қилмоқда, чоғи.

Стерлинг эса, уларни доғда қолдиришни уддалади.

Жамоавий ўйин, жамоавий гол нишонлаш.

Кай Хаверцнинг парвози!

Тухелнинг дебюти нурсиз дуранг билан якунланди. Томас шогирдлари кўплаб голлар уришига ўрганиб қолган.

"Энди пушаймондан зарра фойда йўқ!"

"Бёрнли" - "Астон Вилла" учрашуви ҳам курашларга бой бўлди. Муҳими, тўпни рақибга бериб қўймаслик.

Грилиш жамоасини мағлубиятдан қутқариб қололмади.

Бруну Фернандешнинг Кай Хаверцникидан қолишмайдиган парвози!

Кавани яқиндагина дисквлификациядан қайтганди. Бу кетишда Эдинсондан яна бироз муддат майдонга туша олмаслиги мумкин.

Сер Алекс Фергюсонни стадионда кўриш жуда ёқимли. Аммо у келган ўйинларда "қизил иблислар" мағлубиятга учраши...

Том Дэвиснинг зарбасини чиройли ракурсдан томоша қилинг.

Қанақасига курашсанг ҳам, тўпни олиб қўйсанг бўлди!

"Бепоён бўшлиқ сари олға!"

Ўйиндан кейин "Эвертон" мураббийи Анчелотти:"Биринчи марта Хамеснинг ўнг оёқда гол урганини кўрдим",-деди. 

Марказий учрашув ҳамда чиройли сурат!

Ўз мақомига мос тарзда, учрашув кескин курашларга бой ўтди. Айнан ушбу вазият Кейннинг жароҳатига сабаб бўлди.

Ўша куни мерсисайдликлар Харрини аяб ўтирмади.

"Жанг"дан "қизиллар" ҳам талофатсиз чиқмади.

Тўпга интилаётган Мане ва уни кузатаётган Орье.

Устоз-шогирд учрашуви!