АПЛ 23 та афсонадан 9 тасини танлаб олади

Тез орада яна олтита футболчи Англия премьер-лигасининг "Шон-шараф" залидан жой олади. Улар 9-майгача давом этадиган мухлислар ўртасида овоз бериш орқали 23 номзод орасидан танланади.

Номзодлар орасида Эрик Кантона, Тони Адамс, Мэттью Ле Тиссье, Иан Райт, Петер Шмейхель, Рой Кин, Лес Фердинанд, Сол Кэмпбелл, Энди Коул, Робби Фаулер, Пол Скоулз, Дэвид Бекхэм, Фрэнк Лэмпард, Рио Фердинанд, Деннис Бергкамп, Патрик Виейра, Майкл Оуэн, Стивен Жеррард, Жон Терри, Эшли Коул, Дидье Дрогба, Робин ван Перси ва Неманья Видич бор.

"Ньюкасл"нинг собиқ ҳужумчиси Алан Ширер ва "Арсенал"нинг собиқ ҳужумчиси Тьерри Анри Англия премьер-лигасининг "Шон-шараф" залига киритилган биринчи футболчилар бўлган эди.

Англиянинг энг юқори футбол лигаси – АПЛ 1992 йилда ташкил этилган. Шундан буён мусобақанинг томошабоплиги ва нуфузини оширишга катта хизмат қилган футболчиларнинг ажойиб маҳоратини ва истеъдодини тақдирлаш учун “Шон-шараф” зали ташкил этилди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар