АПЛ гранди "Барселона" футболчиси учун 75 миллион сафрламоқчи

"Барселона" клуби ярим ҳимоячиси Френки де Йонг Испания чемпионатини тарк этиб, Англия Премьер-лигасига йўл олиши мумкин. 27 ёшли футболчига Лондоннинг "Арсенал" клуби қизиқиш билдирмоқда.

TodoFichajes порталининг маълумотига кўра, "канонирлар" нидерландиялик футболчи учун 75 миллион евро таклиф қилмоқда. Битим ёзги трансфер ойнасида амалга оширилиши мумкин.

Де Йонг 2019 йилнинг ёзидан бери "кўк-анорранглилар" сафида тўп суриб келмоқда. Унинг амалдаги шартномаси 2026 йил июн ойининг охирига қадар давом этади.

Жорий Ла Лига мавсумида ярим ҳимоячи "Барселона" сафида 14 та ўйинда майдонга тушиб, 2 та гол урди ва 3 та голли узатма амалга оширди.