АПЛ грандлари "Милан" юлдузини қўлга киритишмоқчи

Италиянинг "Милан" клуби вингери Рафаэл Леау фаолиятини Англия Премьер-лигасида давом эттириши мумкин. Португалиялик футболчига Лондоннинг икки етакчи клуби қизиқиш билдирмоқда. Caught Offside нашри тарқатган хабарга кўра, футболчига "Арсенал" ва "Челси" даъвогарлик қилмоқда.

Лондоннинг "Арсенал" клуби португалиялик футболчи учун 75 млн фунт (85 млн евро) миқдорида трансфер таклифини бошлашга тайёр. "Челси"нинг қишки трансферлар учун таклифи ҳозирча шаклланмаган, аммо клуб ўтган ёзда Леау учун 100 млн фунт (113 млн евро) таклиф қилгани маълум.

Қайд этилишича, футболчининг ўзи АПЛга ўтиш истиқболига ижобий қарамоқда.

Трансфермаркт портали маълумотларига кўра, Рафаэл Леаунинг айни дамдаги нархи 70 млн еврога баҳоланмоқда. Вингернинг "Милан" билан шартномаси 2028 йилнинг июнигача мўлжалланган.