АПЛ клуби бош мураббий билан битимни узайтирди

"Вулверхэмптон" клуби бош мураббий Нуну Эшпириту Санту билан шартномани узайтирди.

46 ёшли мутахассис 3 йиллик битимга имзо чекди.

"Мен бор кучимни ишга соламан, чунки олдинда катта синовлар бор. Бунгача, қандай натижалар қайд этганимиз муҳим эмас, асосийси олдинда нималар кутаётганлиги ҳақида қайғуриш афзалроқ.

Биз АПЛга кўтарилганимиздан буён, кўплаб футболчилар жамоани тарк этди ва яна бошқалари келди. Биз ўсдик, ривожландик. Бу яхши, албатта.

Эртага биз кечагидан яхшироқ бўлишни хоҳлаймиз ва ҳар куни шундай бўлиши керак. Биз яхшироқ ўйнашни истаймиз ва ҳар доимгидек, юракдан меҳнат қилишни хоҳлаймиз. Ҳар биримиз ҳар бир лаҳзани тўла садоқат билан ривожланиш учун бағишлашимиз керак," - деди Санту.