АПЛ клуби "Реал" ҳужумчиси учун катта таклиф тайёрлаяпти

Англиянинг «Фухҳэм» клуби «Реал» ҳужумчиси Гонсало Гарсия трансфери учун катта миқдорда маблағ таклиф қилишга тайёр. 

Лондон жамоасининг янги бош мураббийи Альваро Арбелоа айнан шу футболчини таркибда кўришни истамоқда. Испаниялик мутахассис Мадридда бирга ишлаган форвардни яна қўл остига олишни режалаштираётгани ҳақида журналист Маттео Моретто ижтимоий тармоқларда хабар берди.

Испания оммавий ахборот воситалари тарқатаётган маълумотларга кўра, «Реал» Гонсало Гарсияни сотиш вариантларини кўриб чиқишга тайёр.

2025/2026 йилги мавсумда ҳужумчи мадридликларнинг асосий жамоаси сафида барча мусобақалар доирасида 39 та ўйин ўтказиб, 8 та гол урди ва 3 та голли пас берди. 

Ундан аввал Гонсало Гарсия «Реал Мадрид Кастилья» ёшлар жамоасида тўп сурган. У ерда 2024/2025 йилги мавсумда 73 учрашувда майдонга тушиб, 30 та гол муаллифи бўлган.