APL rasmаn Dаstаn Sаtpаevni e’tirof etdi

Angliya Premier-ligasining rasmiy akkaunti «Chelsi» safida mavsumoldi yig‘inini o‘tayotgan Qozog‘iston terma jamoasi hujumchisi Dastan Satpaevning o‘yinigа alohida e’tibor qaratdi. 

APL matbuot xizmati 17 yoshli qozog‘istonlik futbolchiga bag‘ishlab maxsus maqola e’lon qildi. Unda Satpaevning Avstraliyaning «Western Sidney Wonderers»ga  klubi qarshi o‘rtoqlik uchrashuvida urgan goli va London jamoasi bosh murabbiyi Xabi Alonsoda qanday taassurot qoldirgani alohida qayd etilgan.

«Chelsi» yig‘ini davomida Dastan Satpaevga bo‘lgan qiziqish tobora ortyapti. Satpaev Avstraliyada o‘tgan yorqin o‘rtoqlik uchrashuvida kelajakdagi jamoasini yettinchi daqiqada hisobda oldinga olib chiqdi. Bellashuv «Chelsi»ning «Western Sidney Wonderers» ustidan 6:4 hisobidagi g‘alabasi bilan yakunlandi.

Dastanni Premier-liga afsonasi Serxio Aguero bilan qiyoslashmoqda. Aguero musobaqa tarixida «Manchester Siti» tarkibida 184ta gol urgan.

- U to‘p bilan juda xavfli, ichki zonalarga yaxshi hujum qiladi va qanotdan markazga siljib, hujumchi sifatida o‘ynay oladi. Jismonan baquvvat, juda tezkor va hammada katta taassurot qoldirdi, — deya ta’kidlanadi Angliya Premier-ligasi materialda.

Eslatib o‘tamiz, Satpaev «Chelsi» tarkibida «Western Sidney Wonderers»ga qarshi o‘yinda jamoaning birinchi golini urdi va yana bir golli hujumda ishtirok etdi. Uning goli Xabi Alonso boshchiligidagi «Chelsi» uchun yangi davrdagi ilk gol sifatida tarixga kirdi.