АПЛ. Супер тўқнашув! Лэмпард шогирлдари ўта муҳим очколарни қўлга киритди

АПЛ 33-туридан ўрин олган қолдирилган ўйинда "Эвертон" - "Кристал Пэлас" баҳси якунланди. Унда майдон эгалари 3:2 ҳисобида рақибдан устун келди. 

Дастлаб, меҳмонлар Матета ҳамда Айю томонидан киритилган голлар эвазига олдинга ўтиб олди. Иккинчи бўлимда мерсисайдликларни тўхтатиб бўлмади. Кин, Ришарлисон ҳамда Кальвер-Льюиннинг голлари "ирисчилар"га жуда муҳим ғалабани тақдим этди. 

Шу тариқа, Лэмпард шогирдлари очколари сонини 39 тага етказиб олди. Айни пайтда улар 16-ўринда бормоқда. 43 очкоси бор "Кристал Пэлас" 13-ўриндан жой олган.