АПЛ тарихидаги энг кучли ҳужумчилар рейтинги тузилди

"Give Me Sport" порталида Англия Премьер-лигаси тарихидаги энг яхши ҳужумчилар рейтинги эълон қилинди. Рейтингни тузишда юқори дивизионда урилган голлар, индивидуал ютуқлар, АПЛда қўлга киритилган совринлар ҳамда ҳужумчининг ўз клубидаги аҳамияти каби мезонлар ҳисобга олинган.

Биринчи ўринни собиқ "Арсенал" ҳужумчиси Тьерри Анри эгаллади – у Премьер-лигада 175 та гол урган. Иккинчи ўринга АПЛ тарихидаги энг яхши тўпурар Алан Ширер жой олди – унинг ҳисобида 260 та гол бор. Кучли учликни эса Уейн Руни якунлади, у 208 та гол киритган.

Шунингдек, кучли ўнликдан Харри Кейн, Серхио Агуеро, Эрик Кантона, Деннис Бергкамп, Энди Коуль, Дидье Дрогба ва Луис Суарес ҳам ўрин олган.