АПЛ. Турнинг марказий баҳсида кучлар тенг келди

АПЛнинг 20-турининг марказий баҳси "Ливерауль" - "Манчестер Юнайтед" қарама-қаршилиги якунига етди.

Жанговар тарзда кечган мазкур беллашувда томонлар дурангга имзо чекди 2:2.

Дастлаб, 52-дақиқада Лисандро Мартинез ҳисобни очган бўлса, оралан 7 дақиқа ўтиб Гакпо тезкор жавоб қайтарди. 73-дақиқада эса Салаҳ 11 метрлик жарима тўпидан унумли фойдаланди ва жамоасини олдинга олиб чиқди. Асосий дақиқалар тугашига 10 дақиқа қолганда эса Амад Диалло ҳисобни тенглаштирди.

Шу тариқа, жамоалар тўқнашувдан сўнг бир очкодан қўлга киритди.