АПЛда август ойининг энг яхши футболчиси аниқланди (Фото)

"Манчестер Сити" ҳужумчиси Эрлинг Холанд АПЛда август ойининг энг яхши футболчиси деб топилди. 

22 ёшли форвард ўтган ойда "шаҳарликлар" таркибида Англия премьер-лигасининг 5 учрашувида майдонга тушиб, 9 та гол ҳамда 1 та самарали узатма муаллифига айланди. 

Эрлинг 2020 йилнинг февралидан буён илк маротаба АПЛдаги дебют ойида ушбу совринни қўлга киритган футболчига айланди. Ўшанда мазкур номга "Манчестер Юнайтед" хавбеки Бруну Фернандеш лойиқ деб топилганди. 

Қайд этиш лозим, Паскаль Гросс («Брайтон»), Габриэл Жезус («Арсенал»), Александар Митрович («Фулхэм»), Мартин Эдегор («Арсенал»), Ник Поуп («Ньюкасл»), Родриго («Лидс») ва Уилфрид Заа («Кристал Пэлас») каби футболчилар ҳам ушбу соврин учун курашда иштирок этди.