APLda navbatdagi iste’fo yuz berdi

“Sheffild Yunayted” o‘zining rasmiy sayti orqali bosh murabbiy Kris Uaylderni iste’fosini e’lon qildi.

Aytish lozimki, Kris jamoani 2016 yildan buyon boshqarib kelayotgan edi. U o‘tgan davr mobaynida “Sheffild”ni 3-diviziondan premer-ligagacha olib chiqdi. Jamoa APLdagi debyut mavsumida 9-o‘rinni egallagan edi. Afsuski, “Sheffild” bu mavsum hozircha turnir jadvalida so‘nggi pog‘onada bormoqda.

Endi mavsum yakunigacha “Sheffild”ga Pol Xekingbott ustozlik qiladi. U shu paytgacha yoshlar jamoasini boshqarib kelayotgan edi.

“Sheffild” navbatdagi uchrashuvini bugun “Lester”ga qarshi o‘tkazadi.