APLdan boshqa ligaga o‘tganlar nega zo‘r o‘ynayapti?

Angliya futboli afsonalaridan Jeymi Karrager Premyer-ligadan Evropaning boshqa ligalari klublariga, xususan “Bavariya”ga o‘tayotgan o‘yinchilar haqida o‘z fikrlarini bildirdi.

Uning ta’kidlashicha, Angliya chempionatidan Germaniyaga kelayotgan futbolchilar yuqori bosim va kuchli raqobatga allaqachon moslashgan bo‘ladi. Shu sabab, “Bavariya” kabi katta klublarda ham tez moslashish imkoniyati yuqori hisoblanadi.

So‘nggi yillarda Premyer-ligadan Bundesligaga o‘tgan ayrim futbolchilar muvaffaqiyatli o‘yinlari bilan ajralib turdi. Ayniqsa, jismoniy tayyorgarlik va tezkor futbol uslubi ularning asosiy ustunliklaridan biri sifatida ko‘rilmoqda.

Myunxen klubi esa kelasi mavsum uchun tarkibni kuchaytirish ustida ishlayotgani aytilmoqda va klub APLdan bir necha variantlarni ko‘rib chiqyapti.

Futbol mutaxassislari fikricha, Germaniya grandi kelasi transfer oynasida yana katta nomlar uchun kurashga qo‘shilishi mumkin.