АПЛнинг 9 жамоаси еврокубокларга йўл олди - тўлиқ рўйхат

Хабарингиз бор, бир неча кун олдин Англия Премьер-лигасида сўнгги тур ўйинлари якунланди. 
 
"Челси" кучли бешликни якунлаб, Чемпионлар лигаси йўлланмасини қўлга киритгани боис, жамоа иштирокидаги Конференциялар лигаси финали энди йўлланмалар тақсимотига таъсир қилмайди. Чемпионлар лигасида Англияни Премьер-лигасининг энг яхши бешта жамоаси (инглизлар жорий мавсум коэффициентлар жадвалида топ-2 га киргани учун қўшимча ўринни эгаллади) ва "Тоттенхэм" Европа лигаси ғолиби сифатида ҳимоя қилади. "Астон Вилла" ва Англия кубогини қўлга киритган "Кристал Пэлас" Европа лигасига йўл олди. Конференциялар лигасида "Ноттингем Форест" иштирок этади. 
 
Чемпионлар лигаси: "Ливерпуль," "Арсенал," "Манчестер Сити," "Челси," "Ньюкасл," "Тоттенхэм" 
 
Европа Лигаси "Астон Вилла," "Кристал Пэлас" 
 
Конференциялар лигаси: "Ноттингем Форест"