АПЛнинг энг зўр ўйинчиси аниқланди

Нуфузли манбалардан бири – Give Me Sport бугунги кунда Англия Премьер-лигасининг энг кучли футболчилари рўйхатини тузиб чиқди.

Унга кўра, “Ливерпуль”нинг чемпионлик мақомига кўтарилишига катта ҳисса қўшган Муҳаммад Салоҳ Англия Премьер-лигасининг энг зўр футболчиси, деб топилди.

Бу рейтингда иккинчи ўрин “Ливерпуль” мудофаа чизиғи етакчиси Виржил ван Дейкка топширилди.

Кучли учликни “Манчестер Сити” тўпурари Эрлинг Холанд якунлаб берди.

Премьер-лиганинг “топ-10” футболчилари қаторига Деклан Райс, Букайо Сака, Родри, Александер Исаак, Вильям Салиба, Аллисон Бекер ва Бруну Фернандеш киритилди.