АПЛнинг икки клуби "Барселона" ярим ҳимоячисига кўз тикди

Англия Премьер-лигасининг "Манчестер Юнайтед" ва "Астон Вилла" клублари "Барселона" футболчиси ҳисобланган Фермин Лопесга жуда катта қизиқиш билдирмоқда. 
 
"Onda Cero" нашрининг маълумотига кўра, икки АПЛ клуби сўнгги кунларда испаниялик ярим ҳимоячи атрофидаги вазиятни ўрганмоқда. Рубен Аморим ва Унаи Эмери бошчилигидаги жамоалар "кўк-анорранглилар" учун 70 миллион евро беришга тайёрлигини билдирган. Манбага кўра, бир неча яхши таклифлар бўлишига қарамасдан каталонияликлар ўз футболчисини сотмоқчи эмас. 
 
Маълумот ўрнида, 21 ёшли ҳавбек жорий мавсум Флик қўл остида 25 та беллашувда иштирок этиб, 5 та гол ва 5 та голли узатмага муаллифлик қилди. Унинг клуб билан шартномаси 2029 йилгача мўлжалланган бўлиб, Тransfermarkt порталидаги нархи 50 миллион евро деб баҳоланмоқда.