АПЛнинг ўзидан иккита юлдуз келади! “Челси” таркибни ҳам янгилай бошлади

“Челси” мутасаддилари жамоа янги бош мураббий қидириш жараёнида жамоа таркибини ҳам кучайтириш масаласини эътибордан четда қолдирмасликка ҳаракат қилмоқда.

“Аристократлар” жамоага  Англия Премьер-лигасининг ўзидан икки нафар иқтидорли ўйинчини жалб қилмоқчи.

Хусусан, “Арсенал” тарбиялаган ҳужумкор футболчи Итан Нванери ва “Астон Вилла” етакчиси Морган Рожерс “Челси” раҳбариятини нишонига тушди

Бу ҳақда Caught Offside хабар бермоқда.

Манбага кўра, Рожерснинг Лондон клубига кўчиб ўтиши “йирик суммадаги битим” бўлиши мумкин.

Шунингдек, “Челси” ўтган ёздаги муваффақиятсиз уринишга қарамай, 18 ёшли Нванерини яна ўз сафига қўшиб олишга ҳаракат қилиб кўради.