АПЛнинг топ-клублари ПСЖнинг португалиялик футболчисига қизиқмоқда

"Ливерпуль", "Манчестер Юнайтед", "Астон Вилла" ва "Ньюкасл Юнайтед" ПСЖнинг 24 ёшли ҳужумчиси Гонсалу Рамушни сотиб олиш вариантини кўриб чиқмоқда. Бу ҳақда Caught Offside хабар бермоқда.

Манбага кўра, 24 ёшли футболчи кўпроқ ўйин амалиётига эга бўлишни истамоқда.

Таъкидланишича, "Ливерпуль"нинг асосий нишони "Ньюкасл" ҳужумчиси Александр Исак бўлиб қолмоқда, бироқ у билан шартнома имзолашда муваффақиятсизликка учраса, мерсисайдликлар Рамуш номзодига мурожаат қилишлари мумкин.

Ўтган мавсумда португалиялик футболчи барча мусобақаларда 46 та ўйинда майдонга тушиб, 19 та гол ва 6 та ассистни ўз ҳисобига ёздириб қўйди. Футболчининг клуб билан амалдаги меҳнат шартномаси 2028 йилнинг ёзига қадар мўлжалланган. Трансфермаркт порталида келтирилган маълумотларга кўра, футболчининг бозор нархи 40 миллион еврони ташкил этади.