AQSh va Hindiston mag‘lub etildi, O‘zbekiston termasi shaxmat bo‘yicha jahon chempionatida muddatidan oldin keyingi bosqichga yo‘l oldi (natijalar)

Isroil davlatida FIDE jamoalar o‘rtasidagi jahon chempionati davom etmoqda. Unda O‘zbekiston terma jamoasi GM Nodirbek Yakkubboev, GM Javohir Sindarov, GM Shamsiddin Vohidov, GM Jahongir Vohidovlardan iborat kvartet bilan B guruhida saralash raundlarini o‘tkazmoqda.

Bugun, 21 noyabr kuni musobaqada 3 va 4-tur bahslari o‘tkazildi. Barcha turlarda qayd etilgan natijalar bilan tanishing: 

1 tur: O‘zbekiston 1.5 - 2.5 Ozarbayjon.

2 tur: O‘zbekiston 2.5 - 1.5 Isroil.

3 tur: O‘zbekiston 2.5 - 1.5 AQSh.

4 tur: O‘zbekiston 3.5 - 0.5 Hindiston.

4 tur yakuniga ko‘ra 6 ochko jamg‘argan termamiz B guruhda etakchiga aylandi va muddatidan oldin keyingi bosqich masalasini hal qildi. 

Endi 5 turda hamyurtlarimiz Polsha jamoasiga qarshi dona suradi.

Ma’lumot uchun, 5 ta tur yakuniga ko‘ra, A va B guruhda eng yaxshi natija qayd etgan 4 tadan jamoa chorak final bosqichida ishtirok etish huquqiga ega bo‘ladi.