АҚШда ўйнаган хоккейчи фаолиятини "Ҳумо"да давом эттириши мумкин

Россиялик ҳимоячи Динмуҳаммад Жангарашев айни вақтда Тошкентнинг "Ҳумо" клуби кўригида бўлиб турибди. Асли қозоғистонлик бўлган хоккейчи бундан бир муддат илгари Хитойнинг "Цен Тоу" жамоасида кўрикдан ўтиши борасида хабарлар тарқалган эди.

Ўтган мавсум 19 ёшли иқтидор эгаси NA3HL мунтазам чемпионатида иштирок этувчи "Бингхэмтон Жуниор Сенаторз" клуби сафида шайба сурган ва 50 баҳсда музга тушиб, 82 очкони (26+56) қўлга киритган эди.

Маълумот учун, Жангарашев Россияда туғилган, хоккейдаги фаолиятини эса Астанада бошлаган. Сўнг Сатпаев ва Қарағандада хоккей ўйнаган Динмуҳаммад Москвага йўл олиб, у ерда "Белые Медведи" ва "Динамо" жамоалари шарафини ҳимоя қилган. Сўнгги уч йилда эса АҚШда фаолият олиб борган.