"Ararat Cup" turnirida o‘zbekistonlik mutaxassislar e’tirof etildi

13-14 iyul kunlari Armanistonning poytaxti Erevan shahrida ITKF karate-do bo‘yicha "Ararat Cup" turniri tashkil qildi. Shuningdek, turnir mobaynida xalqaro hakamlar seminari ham bo‘lib o‘tdi. Biz uchun ahamiyatli jihati ushbu seminarda va musobaqada o‘zbekistonlik ikki nafar mutaxassis ham ishtirok etdi va yuqori e’tiroflarga sazovor bo‘ldi. Jumladan, O‘zbekiston ITKF karate-do federatsiyasi raisi Shuhratjon Kushmuratov seminarda ushbu sport turini rivojlantirish bo‘yicha tuzib chiqqan dasturi olqishlarga sazovor bo‘lgan bo‘lsa, yana bir vakilimiz Shahzod Mengliqulovning janglarni odilona boshqarganligi muxlisu mutaxassislarda iliq taassurot qoldirdi. 
Endi navbat Osiyo chempionatiga! Ya’ni, Samarqand shahri avgust oyida ITKF karate-do bo‘yicha qit’a chempionatiga mezbonlik qiladi.