Арбелоа: "Афсуски, чемпионлик тақдири ўз қўлимизда эмас"

“Реал” бош мураббийи Альваро Арбелоа жамоасининг бу мавсум чемпионлик имкониятлари ҳақида фикр билдирди.

“Ла Лигада ғолибликми? Бизнинг мақсад — қолган олти учрашувнинг барчасида ғалаба қозониш, “Барселона” нима қилишидан қатъи назар. Биз ҳар бир ўйинда ютишга эътибор қаратганмиз, аммо чемпионлик тақдири ҳозирча ўз қўлимизда эмас”, — деди Арбелоа.

Айни пайтда “Реал” Испания чемпионати жадвалида 73 очко билан иккинчи ўринда бормоқда. Мадрид клуби пешқадам “Барселона”дан тўққиз очко ортда.

24 апрель куни “қаймоқранглилар” “Бетис”га қарши майдонга тушади. Шунингдек, 10 май куни икки рақиб ўртасидаги ўзаро учрашув ҳам бўлиб ўтади.