Арбелоа "Барселона"дан учралган мағлубиятга изоҳ берди

Альваро Арбелоа Барселонага қарши кечган баҳсдан кейин ўз фикрларини билдирди.

"Ўйин биз учун жуда оғир сценарий бўйича бошланди. Қаршимизда ҳисобда олдинга чиққанда тўпни яхши назорат қиладиган ва позицион ўйинни юқори даражада ташкил этадиган кучли рақиб бор эди. Афсуски, бизда бўлган имкониятлардан ҳеч бўлмаганда биттасини голга айлантира олмадик. Мен футболчилардан охиригача курашишни сўрадим ва жамоа шуни қилишга ҳаракат қилди."

Эрик Гарсиянинг Беллингемга нисбатан ишлатган ҳаракати ҳақида гапирар экан, Арбелоа бу эпизодда ВАР аралашиши керак бўлганини таъкидлади.

"Менинг фикримча, у ерда аниқ тирсак билан зарба бор эди. Нега ВАР аралашмаганини тушуниш қийин. Аммо шунга қарамай, “Барселона”ни чемпионлик билан табриклайман. Ўйин улар учун илк дақиқаларданоқ яхши кечди."

Мураббий мухлисларга ҳам мурожаат қилди:

"Ҳозир сўз топиш қийин. Биз мухлисларнинг хафалиги, норозилиги ва ғазабини яхши тушунамиз. Қила оладиган ягона ишимиз — ишлашда давом этиш ва бу мавсумдаги хатолардан хулоса чиқариш. “Реал” ҳар доим қайта олган. Биз кўп марта йиқилганмиз ва яна ўрнимиздан турганмиз. Лекин вазиятни ўзгартириш кераклигини яхши тушуниб турибмиз."

Мавсумнинг қолган қисми ҳақида:

"Энди зиммамизда янада катта масъулият бор. Мавсум амалда якунланган бўлса ҳам, биз бўшашишга ҳаққимиз йўқ. Биз майдонга ҳар доим ғалаба учун чиқишимиз керак, чунки биз “Реал” эмблемасини ҳимоя қиламиз. Олдинда учта муҳим ўйин бор ва уларда ғалаба қозонишимиз шарт", — деди Альваро Арбелоа.

Маълумот учун, каталонияликлар ўз майдонида "Реал"ни 2:0 ҳисобида мағлуб этди. Шу тариқа, мадридликлар мавсумни совринсиз якунлайдиган бўлди.