Арбелоа "Бавария"дан учралган мағлубиятдан кейин нималар деди?

"Реал" бош мураббийи Альваро Арбелоа "Бавария"га қарши (1:2) мағлубиятдан кейин жамоасининг имкониятларини юқори баҳолади.Унинг таъкидлашича, жамоа ҳали ҳам кейинги босқичга чиқиш учун яхши имкониятга эга. 

"Биз ҳали ҳам ўйиндамиз. Фақат битта гол етишмаяпти. "Реал" исталган майдонда ғалаба қозониши мумкин. Афсуски, ўз имкониятларимиздан фойдалана олмадик. Биринчи бўлимда жуда чуқур ўйнадик ва бу рақибга устунлик берди.

Иккинчи бўлимда эса ўйинни яхшиладик. Жамоа характер кўрсатди. Ҳали ҳам ҳаммаси ўз қўлимизда", — деди Арбелоа.

Маълумот учун, жавоб ўйини 15 апрель куни Мюнхенда бўлиб ўтади.