Арбелоа "Бавария"дан учралган мағлубиятга изоҳ берди

“Реал Мадрид” бош мураббийи Альваро Арбелоа “Бавария”га қарши ўйиндан сўнг (3:4, биринчи ўйин — 1:2) ўз фикрлари билан ўртоқлашди.

“Бу менинг футболчиларим ижросида ажойиб ўйин бўлди. Улар кўрсатган меҳнат учун жуда ачиняпман. Шунингдек, стадионга келган ва уйда кузатган мухлисларимиз учун ҳам ачиняпман.

Бу йил Чемпионлар лигасида 16-чи титулни қўлга кирита олмаслигимиз оғриқли. Лекин жамоа барча кучини берди ва биз ўз гербимиз билан қайтамиз.

Бизда гол уриш учун имкониятлар бўлди. Айрим футболчилар чарчаган эди ва алмаштиришга тайёрланаётгандик, аммо голдан кейин барчаси ҳал бўлди.

Чемпионатда ҳам осон бўлмайди, аммо сўнгги тургача курашишимиз керак”, — деди Арбелоа.