Арбелоа: "Ғалабага эришдик, чунки футболчилар жуда яхши ишлади"

"Реал" бош мураббийи Альваро Арбелоа Ла Лига 21-турида "Вильярреал" устидан қўлга киритилган 2:0 ҳисобидаги ғалаба ҳақида фикр билдирди.

"Ҳар бир инсоннинг фидойилиги, тиришқоқлиги, меҳнати - бу ерга келганимдан бери биринчи сезган нарсам. Бу майдонда ғалаба қозониш катта ютуқ ва биз бунга йигитларнинг меҳнати билан эришдик". 

Энг кўп нима ёққанини сўрашди

"Бизда унчалик кўп иш куни бўлмади, улар ишдан кўра кўпроқ тикланишга бағишланди, аммо аста-секин ўйинчилар биз нимани хоҳлаётганимизни тушунишди. Вақт қанча кўп бўлса, ҳаммаси шунча осон бўлади. Улар юқори даражадаги ўйинчилар ва агар биз уларга бир нечта кўрсатма бериб, улардан нима хоҳлаётганимизни тушунтирсак, ҳаммаси яхши бўлади".

Винисиус ва Мбаппе ҳақида

"Улар дунёдаги энг яхши ўйинчилардан бири, уларни олдиндан айтиб бўлмайди, биз улар имкон қадар тўпга эгалик қилишларига ҳаракат қиляпмиз, Вини қанотда ҳаракат қилиши, Килиан эса майдонни ёриб чиқиши мумкин бўлган вазиятларни излаяпмиз.

Биз уларни бу ҳолатда кўришдан жуда хурсандмиз, улар биринчи бўлиб прессинг қилишни бошлашади, ярим ҳимоячиларга ёрдам беришади, ўзларидан талаб қилинадиган жамоага ёрдам бериш истагини кўрсатишади ва мукофот голлар кўринишида келаётганидан жуда хурсандмиз".

"Бенфика"га қарши ўйин ҳақида

"Bu "Мадрид"нинг барча мухлислари учун ўзига хос ўйин бўлади. Бизнинг мақсадимиз - энг яхши 8 таликка кириш ва қанчалик юқори бўлса, қуръа шунчалик яхши бўлади", – деди Арбелоа.