Арбелоа Карвахаль билан можаро ҳақидаги хабарга муносабат билдирди

Мадриднинг “Реал” жамоаси бош мураббийи Альваро Арбелоа тажрибади ҳимоячи Даниэль Карвахаль билан ўртасида келишмовчиликлар борлиги ҳақидаги маълумотларга изоҳ берди.

Аввалроқ бош мураббий ва футболчи деярли мулоқот қилмаётгани, Арбелоа Карвахалга  нега уни захирада қолдирилаётганини тушунтирмаётгани ҳақида хабарлар чиққан эди.

- Карвахаль билан, жамоадаги барча футболчилар каби, мен якка тартибда гаплашишни яхши кўраман. Улар нимани ҳис қилаётгани, нима ҳақида ўйлаётганини билиш мен учун муҳим.

Карвахаль тобора яхшиланиб бормоқда. У ҳафта давомида ажойиб машғулот ўтказди. Мен учун энг муҳими,  у ўзининг энг юқори даражасига яқинлашишидир. Дани буни ўйинлар орқали исботлаши керак, - деди Альваро Арбелоа.