Арбелоа: "Кийиниш хонасидаги маълумотларнинг ташқарига чиқиши - жамоага хиёнатдек!"

"Реал Мадрид" бош мураббийи Альваро Арбелоа жамоа ичидаги маълумотларнинг оммавий ахборот воситаларига чиқиб кетиши ҳақида кескин фикр билдирди.

— Кийиниш хонасидан маълумотларнинг сизиб чиқиши мен учун "Реал Мадрид"га нисбатан хиёнатдек туюлади. Бу мени жуда хафа қилади. Ким буни қилади? Билмайман. Шунингдек, ҳеч бир футболчини айбламайман, — деди Арбелоа матбуот анжуманида.

Аввалроқ жамоа футболчилари Федерико Вальверде ва Орельен Тчуамени ўртасида кийиниш хонасида жанжал юз бергани хабар қилинган эди. Бу ҳолат тезда хорижий ОАВларда тарқалди.

Маълумот ўрнида, Испания чемпионатининг 34-туридан сўнг "Реал Мадрид" 77 очко билан иккинчи ўринда бормоқда. Жамоа етакчи "Барселона"дан 11 очко орқада қолган.