Арбелоа Мбаппега асосий ҳужумчи мавқеини йўқотганини айтди

“Реал”ҳужумчиси Килиан Мбаппе Испания чемпионатининг 36-туридаги “Овьедо”га қарши ўйиндан (2:0) кейин жамоадаги мақоми ҳақида гапирди. Форвард учрашувнинг 69-дақиқасида майдонга тушди ва ассист қайд этди.

- Аслида асосий таркибда майдонга тушишга тайёр эдим, аммо Арбелоа менга ҳозир мен жамоада тўртинчи ҳужумчи эканимни айтди.

Ҳечқиси йўқ, мураббий қарорларини қабул қилиш керак. Мен янада қаттиқроқ ишлайман, - деди Мбаппе.

Франциялик футболчининг изоҳини  журналист Фабрицио Романо X ижтимоий тармоқдаги шахсий саҳифасида эълон қилди.

Жорий мавсумда Килиан Мбаппе барча мусобақаларда 42 та учрашувда қатнашиб, 41 та гол ва 7 та голли узатмани ўз ҳисобига ёздирди.