Арбелоа Мбаппега мурожаат қилди: "Кучли инсонлар абадий қолади"

Мадриднинг "Реал" клуби собиқ мураббийи Альваро Арбелоа жамоа ҳужумчиси Килиан Мбаппега ижтимоий тармоқлар орқали мурожаат қилди.

“Килиан, қўллаб-қувватловинг учун раҳмат. Мен сендек буюк футболчини мураббий сифатида бошқарганимдан фахрланаман.

Қийин даврлар ўтиб кетади, кучли инсонлар эса абадий қолади. Фақат олдинга, Килиан”, — деб ёзди испаниялик мутахассис.

Эслатиб ўтамиз, Арбелоа 2025/2026 йилги мавсум якунланганидан кейин “Реал”ни тарк этди.

Мбаппе эса ўтган Ла Лига мавсумида 31 та учрашувда майдонга тушиб, 25 та гол ва 5 та голли узатмани ўз ҳисобига ёздирди. Франциялик форварднинг 8 та голи пенальтидан киритилган.