Арбелоа Мбаппенинг гаплари ёлғонлигини айтди

“Реал Мадрид” бош мураббийи Альваро Арбелоа Килиан Мбаппени жамоанинг тўртинчи ҳужумчиси, деб атамаганини маълум қилди.

Ла Лиганинг 36-турида мадридликлар ўз майдонида “Овьедо”ни 2:0 ҳисобида мағлуб этди. Мбаппе 69-дақиқада захирадан майдонга тушганди. Ўйиндан кейин франциялик футболчи бошланғич таркибга киритилмаганини Арбелоа уни тўртинчи ҳужумчи, деб айтгани билан изоҳлаган эди.

- Менинг жамоамда тўртта ҳужумчи йўқ. Мен ҳеч қачон Мбаппега бундай гап айтмаганман. Балки у мени нотўғри тушунгандир. Мен унга тўртинчи ҳужумчи эканини айта олмасдим.

Агар мен уни таркибга қўймасам, табиийки, у ўйнамайди. Мен бош мураббийман, ким ўйнаши ва ким ўйнамаслигини мен ҳал қиламан. Ўйиндан олдин у билан суҳбатлашдим. У буни қандай тушунганини билмайман. Тўрт кун олдин ҳатто қайдномада бўлмаган футболчи бугун асосий таркибда тушмаслиги аниқ эди, - деди Арбелоа Marca нашрига.

Жорий мавсумда Килиан Мбаппе Испания чемпионатида 24 та гол ва 5 та ассист қайд этди.