Арбелоа: "Мен келажагим ҳақида ўйламайман, фақат қолган ўйинлар муҳим"

Мадриднинг "Реал" жамоаси бош мураббийи Альваро Арбелоа клубдаги келажаги ҳақида фикр билдирди.

"Мен ўз келажагим ҳақида умуман хавотир олмаяпман. Ҳозир мен учун фақат қолган етти ўйин муҳим, айниқса эртангиси. Мен фақат шу ҳақда ўйлаяпман", — деди Арбелоа.

Эслатиб ўтамиз, Арбелоа жорий йилнинг январь ойида "Реал" бош мураббийига айланган ва бу лавозимда Хаби Алонсони алмаштирган.

31 турдан сўнг "қаймоқранглилар" Испания чемпионатида 70 очко билан иккинчи ўринда бормоқда. Жамоа пешқадам "Барселона"дан 9 очкога ортда қолмоқда.

Шунингдек, "Реал" Чемпионлар лигасидан чиқиб кетган — мадридликлар Мюнхеннинг "Бавария" жамоасига ҳар икки ўйинда ҳам мағлуб бўлган.