Арбелоа: "Моуриньо мен учун оддий мураббийдан ҳам улуғ"

"Реал" бош мураббийи Альваро Арбелоа Жозе Моуриньонинг ўзи ҳақида айтган сўзларига муносабат билдирди.

Ҳозирда "Бенфика"ни бошқараётган Моуриньo Чемпионлар лигасида жамоалар ўртасидаги эртанги ўйин олдидан Арбелоани ўзининг энг севимли шогирдларидан бири деб атаган эди.

Моуриньoнинг сўзлари ҳақида

"Мен бу гапларни эътиборсиз қолдирмадим. Футболчи бўлган пайтимда ҳам унинг сўзларини ҳеч қачон ўтказиб юбормасдим. Буни эшитиш мен учун катта шараф. Жуда ҳаяжондаман ва хурсандман, чунки у мен учун фақат мураббий эмас, ундан анча улуғ инсон эди. У ҳаётимда жуда муҳим ўрин тутган ва ҳозир мен уни катта дўстим деб биламан. Айни пайтда унга миннатдорчилик билдиришни истайман".

Моуриньо — ибрат сифатида

"Албатта, у ибрат бўладиган шахс. Биринчи куниёқ шуни айтгандим: унга тақлид қилишнинг иложи йўқ, чунки бу муваффақиятсизликка олиб келади. Менинг ютуғим ўзлигимча қолишда бўлади, бунда эса Жозенинг таъсири бор. Мен ундан кўп нарса ўрганишга ҳаракат қилдим. У рақобатни қанчалик яхши кўришини биламан ва эртанги кун ҳал қилувчи бўлади", — деди Арбелоа.