Арбелоа “Сити” билан тўқнашувдан кейин беш нафар юлдузини таркибдан чиқарди

УЕФА Чемпионлар лигаси доирасида “Манчестер Сити” билан бўлиб ўтган оҳир учрашувдан кейин “Реал” бош мураббийи Альваро Арбелоа Ла Лиганинг кейинги турида таркиб ротациясини амалга оширишни режалаштирмоқда.

27-тур учрашувида мадридликлар “Эльче” билан куч синашади. Икки ўйин орасидаги вақт кам бўлгани учун мураббийлар штаби 14 март куни бўладиган баҳсда бир қатор етакчи футболчиларга дам берадиган бўлди.

Marca  нашри маълумоларига кўра, Антонио Рюдигер, Трент Александер-Арнольд, Орельен Тчуамени, Федерико Вальверде ва Тибо Куртуа “Эльче” қарши ўйинда иштирок этадиган таркибдан чиқарилган.

Альваро Арбелоа етакчи ўйинчилар ўрнига етарли даражада ўйин амалиётига эга бўлмаётган Дани Карвахаль, Мигель Анхель, Гонсало Гарсия, Фран Гарсия ва Андрей Лунинни бошланғич таркибга киритадиган бўлди.