Аргентина - Саудия Арабистони: Осиёликлар ҳисобда олдинга ўтиб олди (матнли трансляция)

Жаҳон чемпионати 1-туридан ўрин олган Аргентина - Саудия Арабистони учрашуви бошланди. Қуйида ушбу қизиқарли баҳсдан матнли трансляция эътиборингизга ҳавола этилади.

• 90+15'
  

  Учрашув якунланди! Месси бошчилигидаги Аргентина илк ўйинда мағлубиятга учради.

• 90+13'

  Месси жамоаси катта куч билан олдинга ташланмоқда.

• 90+11'
  

  Ҳулиан Альвареснинг бош билан йўллаган зарбасидан сўнг дарвозабон тўпни ушлаб олди.

• 90+10'

  Скалони шогирдлари кетма-кет жарима майдонига тўп оширмоқда, барчаси қайтариляпти.

• 90+9'
  

  Аш-Шаҳрони махсус замбилда майдондан олиб чиқилди. Унинг ўрнига Муҳаммад Ал-Бурайк ўйинни давом эттиради.

• 90+8'

  Ҳаводаги тўп учун курашда дарвозабон Ёссирнинг юзига тиззаси билан зарба бериб юборди. Анча жиддий жароҳат.

• 90+6'
  

  Ёссир Аш-Шаҳрони жиддий жароҳат олди. Унга тиббий ёрдам керак.

• 90+5'

  Месси бўш қолган дарвозани ишғол эта олмади. 3 рақиб уни зарарсизлантирмоқда.

• 90+4'

  Аргентиналик баъзи футболчиларнинг тиззаси қалтирамоқда. Хатолар кўзга ташланяпти.

• 90+4'
  

  Довсари бурчакда шериклари билан қисқа паслар узатиб, вақтни ўтказмоқда.

• 90+2'
  

  Ҳакамга эътироз билдиргани учун саудияликлар посбони огоҳлантирилди.

• 90+1'

  Аргентиналик футболчининг зарбасидан сўнг Ал-Амри бўш қолган дарвозада тўпни қайтарди.

• 90'
  

  Иккинчи таймга 8 дақиқа қўшилди.

• 89'
  

  Ал-Обид ва Ал-Бурайкан ўрнига Ал-Амри ҳамда Асири майдонга тушди.

• 88'
  

  Наваф Ал-Обид вақтни чўзгани учун сариқ карточкага лойиқ кўрилди.

• 87'

  Мезбонлардан жарима майдони томон яна бир хавфли узатма, ҳимоячилар бу гал ҳам яхши ҳаракат қилди.

• 86'
  

  Саудиялик  футболчига тиббий ёрдам керак. У майдонда ётибди.

• 84'
  

  Месси бош билан зарба йўллади, дарвозабондан СЕЙВ!

• 82'
  

  Сауд Абдулҳамид огоҳлантирилди. Осиёликлар жанг таклиф қилмоқда.

• 80'

  Лионель Мессининг зарбасидан сўнг тўп тўсин юқорисидан ўтиб кетди.

• 80'

  Аргентина жарима майдонига яқин ҳудудда стандарт вазияга эга бўлди. Тўп ёнида Месси.

• 80'
  

  Яна бир сариқ карточка. Бу гал Ал-Довсарига.

• 78'
  

  Солиҳ Аш-Шеҳри захирага олинди. Унинг ўрнига Султон Ал-Ғаннам ўйинни давом эттиради.

• 77'

  "Саҳро лочинлари" вақти билан олдинга ҳам ўтиб турибди. Энг яхши ҳимоя бу - ҳужум!

• 75'
  

  Ўйин вақтини сунъий тарзда чўзгани учун Али Ал-Булайхи огоҳлантирилди.

• 74'

  Месси ва унинг жамоаси катта куч билан олдинга ташланмоқда. Саудия бутун таркиб билан ҳимояланяпти.

• 72'
  

  Ди Мариянинг зарбасидан сўнг дарвозабон тўпни ушлаб олди. 

• 71'
  

  Николас Тальяфико ўз ўрнини Маркос Акуньяга бўшатиб берди.

• 69'

  Лаутаронинг бош билан йўллаган зарбаси ноаниқ кетди.

• 67'
  

  Рақибига нисбатан жиддий қўполлик ишлатган Ал-Малки огоҳлантирилди.

• 66'

  Альвареснинг жарима майдонига оширган тўпини баланд сакраган дарвозабон ушлаб олди.

• 65'

  Аргентина тўп назоратини ушлаб турибди. Саудия агрессив ҳимояланяпти.

• 63'
  

  Тальяфиконинг яқин масофадан берган зарбасини дарвозабон қайтарди.

• 63'

  Лаутаро жарима майдонига пас оширди. Аммо тўпни дарвоза томон тўғирлаб юборадиган футболчи топилмади.

• 62'

  Елкама-елка курашда Сауд Абдулҳамид Ҳулиан Альваресни "еб қўйди!"

• 61'

  Эрве Ренар шогирдлари ҳамон офсайд ҳосил қилиш бобида бехато ўйнамоқда.

• 59'
  

  Бош мураббий дарҳол 3 та ўзгаришга қўл урди: Кристиан Ромеро, Леандро Паредес ва Алеҳандро Гомес ўрнига Лисандро Мартинес, Хулиан Альварес ҳамда Энцо Фернандес ўйинга қўшилди.

• 58'

  Скалони шогирдлари руҳий босимга тушиб қолгандек кўринмоқда.

• 56'

  Зарба позициясига чиқиб борган Месси тўхтатилди. Тамбакти супер подкат ишлатди.

• 55'

  Иккита "тарсаки" қабул қилиб олган аргентиналиклар катта куч билан олдинга ўтмоқда.

• 53'
  

  ГООООООООЛЛЛЛЛЛЛЛЛ! САУДИЯАААААААААААА!

  Салим Ал-Довсарининг супер зарбасидан сўнг тўп дарвозанинг тўққизлигидан жой олди!

• 51'

  Ал-Бурайкан зарба йўллашга кечикди. Қулай имконият қўлдан кетди.

• 50'

  Ҳисобни тенглаштириб олган саудияликлар босимни давом эттирмоқда.

• 48'
  

  ГООООООООЛЛЛЛЛЛЛЛЛ! Саудияликлар ҳисобни тенглаштирди!

  Солиҳ Аш-Шеҳрининг зарбаси олдидан дарвозабон ожиз қолди.

• 46'
  

  Иккинчи таймга старт берилди!

• 46'

  Футболчилар майдонга қайтди. Биз ҳам қайтамиз!

• 45+6'
  

  Биринчи тайм ниҳоясига етди. Танаффус!

• 45+5'

  Скалони шогирдлари ҳимояланиш чоғида зич ўйин намойиш этмоқда.

• 45+4'
  

  Саудия таркибида мажбурий ўзгариш. Жароҳат олган Салмон Ал-Фараж ўз ўрнини Наваф Ал-Обидга бўшатиб берди.

• 45+2'

  Ди Мариянинг яқин масофадан берган зарбаси кучсиз чиқди. Дарвозабон ортиқча қийинчиликсиз уни зарарсизлантирди.

• 45+1'

  Де Пауль Месси манзили томон пас оширди, тўп йўлига ҳимоячилар тўғаноқ бўлди.

• 45'
  

  Биринчи таймга 5 дақиқа қўшилди.

• 44'

  Икки рақибидан ўтган Ал-Довсари жарима майдони ичида йиқилиб тушди. Ҳакам ўйинни давом эттиришга рухсат бермоқда.

• 42'

  Родриго де Пауль қулай имкониятни кўкка совурди. Унинг жарима майдони чизиғидан берган зарбасидан сўнг тўп тўсин юқорисидан ўтиб кетди.

• 41'

  Жарима майдонига кирган Мессини ҳимоячилар тўхтатди. Бурчак зарбаси.

• 40'

  Саудияликлар катта қийинчилик билан рақиб ҳужумларини бартараф этмоқда.

• 38'
  

  Салмон Ал-Фаражга тиббий ёрдам кўрсатилди.

• 37'

  Аргентиналиклар рақиб жарима майдони ёнида тўпни бир-бирига узатиб, мудофаадаги очиқ нуқтани изламоқда.

• 35'
  

  Аргентина 4-голни урди, аммо 3-сафар ҳам офсайд! 

• 34'

  "Саҳро лочинлари" эрта прессинг уюштирмоқда. Натижада аргентиналиклар узун паслар билан олдинга ўтишга мажбур бўляпти.

• 32'

  Ал-Довсарининг жарима майдонига оширган тўпини дарвозабон ушлаб олди.

• 31'

  Меҳмонлар рақибга яхши қаршилик кўрсатяпти. Аргентина дарвозаси олдида ҳам тез-тез хавфли ҳужумлар бўлмоқда.

• 29'

  Эрве Ренар шогирдлари сунъий офсайд ҳосил қилишда ажойиб ҳаракат қилмоқда.

• 28'
  

  ЙЎҚ! ВАРдаги шериклари билан маслаҳатлашган рефери голни бекор қилди. Мартинес офсайдда қолиб кетган экан.

• 27'
  

  ГОООООООООЛЛЛЛЛЛЛЛ! Аргентиналиклар иккинчи голни урди!

  Дарвозабон билан бирга-бир вазиятга чиққан Лаутаро тўпни рақиб устидан ошириб дарвозага йўллади.

• 25'

  Қитъадошларимиз ҳужумда қоида бузди. Рефери ҳуштагини чалди.

• 24'

  Тўп назорати аргентиналиклар томонда бўлиб турибди.

• 22'
  

  Гол, Аммо офсайд! Месси яна ўйиндан ташқари ҳолатда қолиб кетди. Бироқ у бирга-бир вазиятдан унумли фойдаланганди.

• 21'

  Бу гал Лео ўйиндан ташқари ҳолатда эди. Саудияликлар сунъий офсайд ҳосил қилишда яхши ҳаракат қиляпти.

• 20'

  Алехандро Гомеснинг узоқ масофадан берган зарбасига аниқлик етишмади.

• 18'
  

  Лаутаро Мартинес воқеалар ривожидан илгарилаб кетди.

• 18'

  Сўнгги бир неча дақиқа ичида Ренар шогирдлари бироз фаоллашди.

• 16'

  Жарима майдонига оширилган тўпни меҳмонлардан ҳеч ким дарвоза томон йўллай олмади.

• 15'

  Саудияликлар стандартдан тўпни ўйинга киритиш имкониятини қўлга киритди.

• 13'

  Аргентиналиклар тўп назоратини қўлга олиш орқали рақиб шаштини пасайтиришга ҳаракат қиляпти.

• 12'

  Тезкор гол ўтказиб юборган қитъадошларимиз дарҳол олдинга ташланмоқда.

• 10'
  

  ГОООООЛЛЛЛЛЛЛ! Месси ҳисобни очди!

  Леонинг чап томонга берган зарбасини дарвозабон қайтара олмади.

• 8'

  Бош ҳакам Саудия дарвозаси томон пенальти белгилади. Жарима майдони ичида Паредес йиқитилган деб топилди.

• 7'

  Жарима майдони яқинида де Пауль йиқитилди. Стандарт вазият.

• 6'
  

  Мессининг бурчакдан етказиб берган тўпини дарвозабон муштлари билан уриб, жарима майдонидан узоқлаштирди.

• 4'

  Майдон марказида Лаутарога нисбатан қоида бузилди. Ҳакам ўйинни тўхтатди.

• 2'
  

  Илк хавфли ҳужум Аргентинада! Мессининг яқин масофадан берган зарбасини дарвозабон қайтарди.

• 1'
  

  Учрашувга старт берилди!

• 0'

  Ҳар икки жамоа сардорлари Месси ва Ал-Фараж ҳакамлар иштирокида расмий жараёнларни ўтказиб олди.

• 0'

  Саудияликлар ўз мадҳиясини кўпчилик жўр бўлиб куйлади!

• 0'

  Аргентина миллий мадҳияси янграмоқда.

• 0'

  Футболчилар майдонга тушиб келди. Даҳшатли ўйин бир неча дақиқа ичида старт олади.