Аргентина футбол раҳбарлари судга бериш билан таҳдид қилмоқда

Аргентина футбол ассоциацияси (AFA) Жаҳон чемпионати–2026 пайтида терма жамоа ҳақида тарқатилган ҳаққонийликка тўғри келмайдиган маълумотлар учун судга мурожаат қилиши мумкин. Бу ҳақда Sportskeeda нашри хабар берди.

Манба маълумотларига кўра, аргентиналик мутасаддилар жамоа ва унинг футболчиларига нисбатан «асоссиз айбловлар» ҳамда текширилмаган маълумотлар тарқатган шахсларга нисбатан даъво аризалари киритиш имкониятини кўриб чиқмоқда.

AFA юристлари бу борадаги далил-исботларни тўплашни бошлаб юборган. Жумладан, ижтимоий тармоқлардаги нашрлар, скриншотлар ва бошқа материаллар йиғилмоқда. Хабарга кўра, эҳтимолий даъволар фақат йирик оммавий ахборот воситаларига эмас, балки айрим ижтимоий тармоқ фойдаланувчиларига ҳам қаратилиши мумкин.

Ассоциация норозилигига турнир давомида Аргентинага қарши кўпайган айбловлар сабаб бўлган. Хусусан, 1/8 финалда Миср устидан қозонилган ғалабадан сўнг, ҳакамлар гўёки Аргентина томонини қўллагани ва ФИФА томонидан ёрдам бўлгани ҳақида турли даъволар пайдо бўлган эди.