Аргентинада Кейиннинг «Олтин тўп»и тан олинмади
«Олтин тўп»ни «Бавария» ҳужумчиси Гарри Кейн олди, лекин Ole нашри учун Лионель Месси барибир энг яхши футболчи бўлиб қолмоқда.
Аргентинанинг Ole газетаси сешанба кунги сонини «Олтин тўп»ни топшириш маросимига бағишлади. Унда «Бавария» ҳужумчиси Харри Кейн ғолиб бўлди, Лионель Месси эса овоз беришда фақат бешинчи ўринни эгаллади.
«Биз учун Месси ҳар доим энг яхшиси бўлиб қолади. Ҳатто европаликлар «Бавария» футболчисини танлаб, тарихдаги энг буюк афсонага атиги бешинчи ўринни муносиб кўрган бўлса ҳам», — дейилади мақолада.
Материалда 2026 йилги жаҳон чемпионатининг ярим финал учрашуви ҳам эсга олинган. Унда Месси бошчилигидаги Аргентина терма жамоаси Кейн ўйнаган Англия терма жамоасини мағлуб этгани таъкидланган.
«Месси ва Аргентина терма жамоасидан ярим финалда қабул қилинган мағлубият тамғаси ҳеч қачон йўқолмайди. Нима бўлган тақдирда ҳам, биз учун Лео Месси энг яхшиси бўлиб қолади. Жаҳон чемпионатидаги ғалаба ҳам бунинг яна бир тасдиғидир», — деб ёзди муаллифлар.
Эслатиб ўтамиз, Лионель Месси «Олтин тўп»ни саккиз марта қўлга киритган. Бу мусобақа тарихидаги рекорд ҳисобланади.
Изоҳлар (0)