Аргентиналик дарвозабон Мессидан зўр уч футболчи борлиги айтди

Аргентина терма жамоасининг собиқ дарвозабони Уго Гатти Қатардаги жаҳон чемпионати қаҳрамони Лионель Мессидан зўр ўйинчилар ҳам борлигини таъкидлади.

Гаттининг айтишича, ПСЖ ҳужумчиси сўнгги жаҳон чемпионатида ғолиб чиққан ва мундиалнинг энг яхши футболчиси сифатида эътироф этилган бўлса-да, футбол афсоналари – Пеле ва Диего Марадона даражасига ҳеч қачон ета олмайди.

Бундан ташқари қария голкипер айни пайтда франциялик ҳужумчи Килиан Мбаппе Лионель Мессидан ҳар тарафлама устун эканини алоҳида таъкидлади.

- Дунёда ҳеч ким Пеледан, Аргентинада эса Марадонадан ўзиб кета олмайди. Анхель ди Мария ҳам феномен ўйинчи эди, лекин уни ҳеч ким тилга олгани йўқ. Мен учун Мбаппе дунёнинг энг зўр футболчиси, - деди Уго Гатти.