Арман Царукян UFC октагонига қайтмоқда: унинг кейинги жанг санаси маълум

UFC енгил вазн тоифаси рейтингида иккинчи ўринни эгаллаб турган Арман Царукян промоушен раҳбари Дана Уайт билан боғлиқ вазият ва октагонга қайтиш вақти ҳақида гапирди.

"Дана мен ҳақимда нима учун ёмон сўзлар айтаётганини билмайман, лекин у билан ҳеч қандай муаммом йўқ, ҳатто, саҳна ортидаги масалалар бўйича ҳам. Уайтга жавоб қайтаришимдан фойда йўқ, чунки мен Дана билан музокара олиб бормаяпман. Аксинча, Хантер билан гаплашмоқдаман, чунки у жангларни ташкил қилишга масъул. Дана, эҳтимол, бошқа барча ишларни бажарар, бироқ ҳақиқий матчмейкерлар - Шон Шелби ва Хантер Кемпбелл. Шунинг учун промоушен президентига айтадиган гапим йўқ. Кейинги жангимга келсак, бу борада Хантер билан келишиб олдик. У менга UFC даги навбатдаги жангим санасини айтиб бўлди", - деди Арман.

Эслатиб ўтамиз, Царукян 12 май куни ўтказилган Hype турнирида Муҳаммад Мокаэвни сабмишн орқали мағлуб этди.