Арне Слот "Ливерпуль"дан кетганидан кейин янги иш топди
Бекорчи бўлиб юрганди
«Ливерпуль»нинг собиқ бош мураббийи Арне Слот янги иш жойи топди. The Touchline нашри хабар беришича, нидерландиялик мутахассис УЕФАнинг техник кузатувчилар гуруҳига қўшилди. У жорий мавсум Чемпионлар лигаси ўйинларида яна 35 нафар эксперт билан биргаликда иш олиб боради.
48 ёшли мутахассиснинг вазифаларига учрашувларни таҳлил қилиш, замонавий тактик йўналишларни ўрганиш, шунингдек, Европа футболидаги мураббийлик фаолиятини чуқур таҳлил этиш киради.
Арне Слот «Ливерпуль»ни икки йил давомида – 2024 йилдан жорий йилгача бошқарган. Ундан олдин «Фейеноорд», «АЗ Алкмаар» ва «Камбур» клубларида ишлаган.
Футболчилик фаолиятини эса 2013 йилда якунлаган. Мерсисайд клубида Слотнинг ўрнини Андони Ираола эгаллади.
Изоҳлар (0)