Арне Слот “Ливерпуль”дан беш футболчини қувяпти, яна тўрттаси ўзи кетмоқчи!

“Ливерпуль”нинг Европа Чемпионлар лигасини кутилганидан эрта тарк этгани бош мураббий Арне Слотни таркибни кучайтиришга этибор қаратишига асос бўлди.

Ҳар қандай клуб янги ўйинчи олиши учун молиявий фэйр-плейни бузмаслик мақсадида ўз таркибидан айрим футболчиларни қўйиб юборишига тўғри келади.

Ана шу маънода, ливерпулликлар беш нафар аъзоси билан хайрлашишга қарор қилди.

Манбага кўра, Арне Слот келаси мавсум Каоимхин Келлехер, Ватару Эндо, Харви Эллиотт, Федерико Кьеза ва Диогу Жотага ўйин амалиёти бермоқчи эмас.

Бундан ташқари, “Ливерпуль” олиб қолишга ҳаракат қилаётган уч юлдаз ҳам ҳали клуб таклифини қабул қилганича йўқ. Муҳаммад Салоҳ, Виржил ван Дейк ва Трент Александер-Арнольднинг клуб билан шартномаси 30 июнь куни тугайди. Бундан ташқари, ҳужумчи Дарвин Нуньес ёзда бошқа жамоага ўтишни режалаштирмоқда.