Арне Слот шармандали мағлубиятдан кейин нималар деди?

Англия кубогининг чорак финалида мамлакатнинг амалдаги чемпиони “Ливерпуль” сафар учрашувида “Манчестер Сити”га 0:4 ҳисобида ютқазди.

Учрашувдан кейин мерсисайдликлар бош мураббийи Арне Слот ҳам мағлубият ҳақида фикр билдирди.

- Менимча, натижа ҳақида мендан сўрашингиз шарт эмас, чунки у ўз-ўзидан ҳаммасини айтиб турибди. Бу жуда катта муваффақтясизлик.

Мағлубиятнинг ўзи ҳам ёмон, аммо “Ливерпуль” кўп марта ўйнаган, курашган ва кўп бор  ғалаба қозонган жамоага қарши Англия кубоги чорак финалида 0:4 ҳисобида ютқазиш — албатта катта кўнгилсизлик.

Биз 20 дақиқа ичида тўртта гол ўтказиб юбордик — бу бизнинг услубимиз эмас, - деди Арне Слот клуб расмий сайтига.

Ярим финал жуфтликларига қуръа ташлаш 5 апрелга белгиланган. Ярим финал ўйинлари эса 25 ва 26 апрель кунлари “Уэмбли” стадионида бўлиб ўтиши кутилмоқда.