Арне Слот: "Виржил ван Дейк — энг яхши сардор"

"Ливерпуль" бош мураббийи Арне Слот жамоа марказий ҳимоячиси Виржил ван Дейкнинг етакчилик фазилатлари ҳақида фикр билдирди.

"У мен билан ишлаган сардорлар ичида энг яхшиси. Виржил мен кутган ишни қилди. Унинг ҳар куни етакчи сифатида ўзини тутиши менга ёқади", – деди Слот журналистлар билан суҳбатда.

"Манчестер Юнайтед"га (1:2) қарши мағлубиятдан сўнг нидерландиялик фулбек жамоадошларини йиғиб, клубнинг нохуш серияси ҳақида суҳбатлашган эди.

Айни дамда "Ливерпуль" Англия Премьер-лигасининг турнир жадвалида тўртинчи ўринни эгаллаб турибди. Англиянинг амалдаги чемпиони саккиз турдан сўнг 15 очко тўплаган.