"Арсенал" - "Челси": Матнли трансляция

Учрашув якунланди. "Арсенал" ўз тарихида 7-бор Англия кубоги соҳибига айланди. Матнли трансляцияни Абдулвосид Валихонов олиб борди.

Тирни ўрнига Колошинац майдонга тушди.

Педро жиддий жароҳат олган кўринади. Бир неча дақиқалардан бери унга тиббий ёрдам кўрсатилмоқда.

"Челси"нинг хавфли бурчак зарбасини Мартинес бартараф этди. Дарвозабон ўз вақтида тўпга чиқиб келди.

Учрашув асосий вақтига 7 дақиқа қўшиб берилди.

Баркли Нкетияга ишлатган қўполлиги учун огоҳлантирилди.

Сократис Папастатопулос Давид Луиз ўрнига майдонга тушди.

Давид Луизга тиббий ёрдам кўрсатилмоқда.

"Арсенал"нинг кетма-кет иккита бурчак зарбаси бесамар якунланди.

Льяказетт ўрнига Нкетия майдонга тушди.

Маунт ўрнига Баркли, Жиру ўрнига Абрахам, Рюдигер ўрнига эса Хадсон-Одои майдонга тушди.

Тортишувда иштирок этгани учун Рюдигер ва "Арсенал" бош мураббийи Артета ҳам огоҳлантирилмоқда.

Дани Себальос ҳам сариқ карточка олди.

Матэо Ковачич иккинчи сариқ карточкани олиб майдонни тарк этди.

Футболчилар чанқоқларини босиб олишади.

ГООООООООООЛЛЛЛЛЛЛЛЛЛ!!! Обамеянг "Арсенал"нинг тезкор қарши ҳужумини гол билан якунлади. Бельериннинг майдоннинг ярмини тезликда босиб ўтиши ва Пепенинг ажойиб пасини ҳам эътироф этиш керак. 

"Арсенал" сўнгги дақиқаларни ҳимояда ўтказмоқда.

Алонсо қанотда Пепени тўхтатиб қолди. Ҳакам аяди.

Жоржиньо томонидан майдоннинг нариги қисмидан узатилган тўпга Маунт ета олмади.

Майдон марказида Давид Луиз қоидани бузди.

Маунт амалга оширган бурчак тўпи тўғри Мартинеснинг қўлларига бориб тушди.

Педро Пулишич ўрнига майдонга тушди.

Пулишич жароҳат олган кўринади. Уни тиббиёт ходимлари олиб чиқиб кетишмоқда. 

Пулишич иккинчи таймнинг дастлабки дақиқаларидаёқ хавфли ҳужум ташкил қилди. У бир ўзи ярим майдонни босиб ўтиб зарба берди. Бироз ноаниқ.

Иккинчи тайм бошланди.

Танаффус.

Себальосга нисбатан ишлатган қўполлиги учун Мейсон Маунт огоҳлантирилди.

Тўп учун кураш майдон марказида кечмоқда. Жамоалар тайм сўнгида эҳтиёткорликни афзал кўришмоқда.

Биринчи бўлимга 5 дақиқа қўшиб берилди.

Льяказетт дарвозабон турган бурчакни ишғол қилмоқчи бўлди. Аммо ноаниқ.

Кристенсен жарима майдони чизиғи устида Пепени йиқитди. Хавфли вазият бўлиши аниқ.

"Арсенал"нинг бурчак зарбаси бесамар кетди. Футболчилар бир-бирини тушунмай қолди.

Қанотдан узатилган тўпга Мейтленд-Найлз боши билан зарба бера олмади. Тўп ҳаммадан, ҳатто Кабалеродан ҳам ўтиб кетганди.

"Арсенал"нинг хавфли ҳужуми дарвозага зарбагача етиб бормади. Ҳимоячилар иккинчи қаватда яхши ўйнади.

"Арсенал" орқа чизиқда тўп назоратини амалга оширмоқда.

"Челси"нинг қанотда ривожланган ҳужуми марказга кўчди ва Жоржиньонинг хавфли зарбаси йўлига жамоадоши Алонсо ғов бўлди.

Ҳа, Цезар Аспиликуэта майдондан олинди. Андрес Кристенсен унинг ўрнида ўйинни давом эттиради.

Жамоа сардори ўйинни давом эттира олмайди, чоғи. Кристенсен кийим алмаштирмоқда.

Энди Аспиликуэтага тиббий ёрдам керак. 

Маркос Алонсо кераксиз жойда ҳужумда фол ишлатди. Натижада, "Челси" ҳужуми якунига етди.

Жиру майдонда ётибди, тиббий ёрдам зарурдек кўринади. Тўп майдондан чиқариб юборилди.

ГООООООООООООЛЛЛЛЛЛЛЛЛ!!! Обамеянг ўзи ишлаб олган пенальтини аниқ амалга оширди.

Аспиликуэтага сариқ карточка кўрсатилди.

Обамеянг айбини ювди. Тезлик билан жарима майдонига кириб бораётган габонлик форвардни Аспиликуэта ушлаб қолди.

ГОООООООООООООЛЛЛЛЛЛЛ!!! Пепе ажойиб зарба билан ҳисобни тенглаштирди... Обамеянг бироз аввалроқ офсайдда қолиб кетган экан.

Чанқоқ босиш учун танаффус эълон қилинди.

Тўп назорати 28-62. "Челси" фойдасига.

"Арсенал"нинг тезкор қарши ҳужуми Мейтленд-Найлзнинг суст ҳаракати сабаб барбод бўлди. 

Ковачич жарима майдони олдида яна қоидани бузди. Себальос жабрланувчи ролида. Испанияликнинг ўзи жарима зарбасини амалга оширди. Тўп дарвоза юқорисидан ўтиб кетди.

Матэо Ковачич майдон марказида қоидани бузди. Тўпни ўзидан узоқлаштириб юбориши ортидан Жака тўпга биринчи етиб келди, хорватиялик хавбек эса қўполлик ишлатишга мажбур бўлди. Сариқ карточка.

Николья Пепе жамоасининг дастлабки бурчак зарбасини кўкка совурди. Тўп жуда баланддан ўтиб кетди.

Мартинесдан яна бир сейв. "Челси" футболчилари "Арсенал" дарвозаси олдида кўпроқ ҳаракат қилишмоқда.

"Челси" тўхтамоқчи эмас. Улар "Арсенал" жарима майдони олдида босим уюштиришмоқда.

ГООООООООООООООООЛЛЛЛЛЛЛЛ!!! "Челси" ҳисобни очди. Оливье Жирунинг моҳирона узатмасидан сўнг қулай вазиятга чиқиб олган Кристиан Пулишич осонлик билан тўпни дарвозага жойлаб қўйди.

Маунтнинг узоқ масофадан йўллаган зарбаси Мартинес томонидан қайтарилди.

Мейтленд-Найлзнинг қанотдан узатилган тўпга бош билан берган зарбаси ноаниқ бўлди. Дарвозабон ожиз қолиши мумкин эди.

Ўйин бошланди.

Жамоалар майдонга тушиб келишмоқда.