«Арсенал» Альваресни қўлга киритиш режасини ишлаб чиқди

«Арсенал» клуби «Атлетико» сафида тўп сураётган аргентиналик ҳужумчи Хулиан Альварес трансфери бўйича расмий таклиф тайёрламоқда. Илгарироқ футболчининг асосий даъвогари сифатида «Барселона» тилга олинаётган эди.

Маълумотларга кўра, каталонияликлар ҳозирча «Атлетико» раҳбарияти билан келишувга эриша олмаяпти. Мадрид клуби Испания чемпионатидаги тўғридан-тўғри рақибларидан бирини кучайтиришни истамаяпти. Шу билан бирга, ишончли манбаларга кўра, агар Англия Премьер-лигаси клубларидан муносиб таклиф тушса, Альваресни АПЛга сотиш варианти кўриб чиқилмоқда.

«Арсенал» режасига кўра, клуб «Барселона» билан музокаралар самарасиз якунланишини кутади ва шундан сўнг август ойида тезкор равишда битимни ёпишни мақсад қилган. Шуни ҳам таъкидлаш керакки, ҳужумчига «Арсенал»дан ташқари ПСЖ ҳам жиддий қизиқиш билдирмоқда.