"Арсенал" асосий юлдузини сотиб юборадиган бўлди

Норвегиялик ярим ҳимоячи Мартин Эдегор яқин вақтлар ичида Лондоннинг «Арсенал» жамоасини тарк этиши мумкин.

Teamtalk нашрининг хабар беришича, «канонирлар» раҳбарияти 27 ёшли скандинав футболчисини сотиш бўйича тушадиган таклифларни кўриб чиқишга тайёр. 

Манбага кўра, лондонликлар Эдегорнинг эҳтимолий трансфери орқали тахминан 90 миллион евро атрофида даромад олишни режалаштирмоқда.

Эдегор «Арсенал» сафида 2021 йил ёзидан бери тўп сурмоқда. Унинг клуб билан амалдаги шартномаси 2028 йилнинг июнь ойи охиригача мўлжалланган.

Ўтган мавсумда Мартин Лондон жамоаси таркибида 36та ўйинда майдонга тушди. У шу давр мобайнида бир бор гол урди ва саккизта голли узатма муаллифига айланди.