“Арсенал” "Аталанта”дан Сакага ўринбосар топди

Лондоннинг “Арсенал” клуби “Аталанта”нинг бу мавсумдаги юлдузларидан бири ҳисобланган Ретегини жароҳат олган Сакага ўринбосар сифатида кўрмоқда.

Хабарингиз бор, “тўпчилар”нинг англиялик ҳужумчиси Сака бир неча кун олдин оғир жароҳат олиб, февраль ойигача сафдан чиққан эди. Шу сабабли, клуб раҳбарлари янги форвард ёки вингер излашни бошлашган.

"Тalksport" нашрининг хабарига кўра, бергамоликлар сафида ҳаракат қилаётган Матео энг яхши вариант сифатида кўрилмоқда. Манбанинг ёзишича, италиялик ҳужумчи ҳам Лондонга кўчиб ўтишни рад этмоқчи эмас.

Ретеги ёзги трансферлар ойнасида “Женоа” клубидан 16 миллион евро эвазига “Аталанта” клубига кўчиб ўтган эди. Унинг клуб билан шартномаси 2028 йилгача мўлжалланган бўлиб, Тransfermarkt порталидаги нархи 35 миллион евро деб баҳоланмоқда.

Маълумот ўрнида, 25 ёшли форвард жорий мавсум 25 та ўйинда иштирок этиб, 14 та гол ҳамда 4 та голли узатмага муаллифлик қилишга улгурди.